Saturday, December 24, 2011

merry christmas?

alam ko tampo ka na naman... mahigit isang taon yatang wala akong nasabi sa'yo. sasabihin mo na naman lumalapit lang ako 'pag bagsak na ako. pero ewan ko.. ito na yata ang pinakamalungkot na paskong dadaan sa buhay ko.

nung mawala ang tatay, malungkot din nun pero ang pakakaiba lang kasama ko ang pamilya ko nung dumaan ang unang pasko na wala ang tatay. malaking bagay 'yun. pero ngayon parang wala, mag-isa lang talaga ako. ang mas nakakalungkot pa, may prinsesa na ako pero ni hindi ko mayakap o mahawakan o makita man lang. nakakalungkot talaga... sana naiintindihin mo ako. alam ko naman ikaw lang nakakaintindi sa akin 'pag walang wala na ako.

sandamakmak ang batiang nakikita ko kahit sa facebook lang pero taga-like na lang ako. hindi ko masabi sa sarili kong merry christmas kasi malungkot... parang lahat nagsasaya pero ako nakatingin lang, nakikingiti kahit mahirap ngumiti.

salamat sa pakikinig, pasensya ka na..

Sunday, May 22, 2011