Thursday, May 7, 2009

blessings!

gusto ko lamang magpasalamat sa Dakilang Lumikha sa lahat ng biyayang natanggap ko nitong mga nakaraang araw at sa mga darating pang mga araw.

una, nakapasa ako sa pagkuha ng driving license na matagal ko ng pinapangarap. ang ganda pa nito, nakuha ko sa unang subok pa lang. yung mga kasabayan ko merong 7, 8, 12 subok na hindi pa rin pumapasa. hindi biro ang kumuha ng lisensya dito sa UAE dahil hindi katulad sa Pilipinas na iihi ka lang sa botelya mamaya me lisensya ka na kesyo marunong kang sumakay ng bike o hindi.

pangalawa, binigyan ako ng kaibigan kong Indian na si Terrence na kabanda ko rin ng napakagandang electric guitar. Jackson mga kapatid! isa itong brand na ni sa panaginip ko ay hindi ko inisip na mahahawakan ko, as in mamahalin! at bukod pa dun, may kasama na ring amplifier na Marshall na ubod ng laki! napakaswerte ko talaga! siguro baka hindi lang 1,000 dollars ang halaga nung mga yun kung bibili ka ng bago.

yun lang naman. dadalawa lang kung tutuusin. pero ako kasi, ugali ko ng magpasalamat ng malaki kesyo dambuhala o bansot ang biyayang natatanggap ko. hindi ako relihiyosong tao, ni hindi nga ako nagsisimba o naniniwala sa mga pari o simbahan, pero malaki ang takot at pananampalataya ko sa Dakilang Lumikha. at lahat ng natatanggap ko sa araw-araw simula nung ipanganak ako ay utang na dapat kong ipagpasalamat sa Kanya...