kung nabasa mo ang post ko last 2aug07 (umaaraw, umuulan), makikita mo dun ang bahay na pinangarap naming mag-asawa. ang bahay na nagbigay ng liwanag at excitement sa buhay naming mag-asawa. ang dami naming plano para sa bahay na yun, kung ano ang gagawin pag-uwi namin, kung pa'no pagagandahin, kung ano ang ilalagay sa area na ito, dun sa likod-bahay, sa gilid.. pati yata sa kalsada, hehe! masaya naming iniisip ang pagtira dun at kung paano gagawing tahanan ang bahay na yun.
habang papalapit ng papalapit ang araw ng pag-uwi namin, parami naman ng parami ang kumplikasyon at problemang dumarating tungkol sa nasabing bahay. maraming bagay na mahirap ipaliwanag dito ang bigla na lang nagsulputan. mga kundisyon na hindi naman nabigyang-liwanag sa amin nung umpisa pa lang. nakaka-frustrate...
bigla na lang nawala ang excitement.. napalitan ng lungkot at pagkadismaya. ang sakit sa loob ng ganito, para bang gumuho ang pangarap mo. kahit pag-uwi para magbakasyon parang nakakatamad na rin. gusto kong magalit dahil hindi naman mumunting halaga ang binitawan mo para sa bagay na yun kasama ang pag-asa na may maayos na kapalit kaming matatanggap. nakakalungkot talaga at mas nalulungkot ako para sa asawa ko dahil napalitan ng luha ang kasabikan n'ya...
Subscribe to:
Post Comments (Atom)
No comments:
Post a Comment